發霉

上星期一本來打算穿西裝去 interview，點知打開個衣櫃，發覺套西裝同個櫃一齊．．．「發」咗！

搞咗幾日都唔多得，結果今晚下定決心去買咗部抽濕機。是一部有 14L / 6L 嘅中小型機，希望可以解決這個發霉問題啦，唉！

P1030813

又咁，我覺得我嘅霉都應該發得七七八八，是時候轉運了！

Norton Internet Security 2008

有時新嘢未必一定好。上星期我個 Norton IS 2006 prompt 咗個 message 話我可以 upgrade 去 2008，咁我當然第一時間 upgrade 啦。

整個過程都很順利，直到 reboot 之後．．．個 network card 無法 function，就好似唔見咗咁。諗住 uninstall 個 2008 再 install 返個 2006，點知又未能成功．．．總之就搞極都有啲嘢，時得時唔得咁啦！

經過一星期嘅苦戰，今早 install 個 2007 之後就一切回復正常，Thanks God！

《Kung Fu Panda》（功夫熊貓）

好幾個月前在某戲院見到《功》的大宣傳紙板，第一個感覺是「搞咩呀？！」。當越接近上映，宣傳越多，就越覺得有趣，加上友人第一時間看了，而且反應非常正面，所以就懷著興奮心情，走進戲院。

通常這樣的開場白都表示大事不妙了！的確，沒有預期的笑到碌地，但也不至於太差。開始時有點悶場，發展落去就好一點，而情理方面．．．卡通，算啦！

《功》雖然是老外的製作，但對中國武術的傳繹也算可以，還加上了一些成龍式的打鬥場面，效果不錯。

和 DreamWorks 前作《史力加》比就有點兒比下去了，特別在人物的描寫方面。

總的來說，娛樂性是有的，如果只想輕輕鬆鬆笑一場，《功》是可以一看的。

影片膠捲影片膠捲影片膠捲

婚禮中的波折

真係估唔到原來想搞一個簡單嘅婚禮都會有咁波折！

當初以為去關島行禮應該好自在，點知 airline 話啲油太貴無錢賺，cut 晒啲關島直航！如果要轉機就要請多兩日假，酒店要多一晚，就因為咁，我地決定唔去關島。

經過幾日考慮和四出打聽，再同婚禮公司傾過，結果我地決定喺香港行禮！詳情稍後再公布。

在這要特別感激我嘅至愛．．．肥妹，多謝您！

井底之蛙

以前，我會覺得自己拍的照片雖然未到大師級，但應該也算是中上吧。但最近到一個香港的攝影網站流連，發覺那裡的攝影人水準很高，回看自己的作品實在自愧不如！

Photonews 攝影視藝空間

為了加快提升水準，今晚．．．買了我的第一部 DSLR！（直口！！！）

其實掙扎了好一段時間，因為我想買一部 Full Frame 機，但價錢實非我現在所能應付，又不想退而求其次．．．最後還是向現實低了頭！

EOS 40D 會是我未來兩、三年的拍攝工具，不知效出來的果會如何呢？

《Sex and the City》（色慾都市）

幾年前這部電視劇在香港大熱，小弟也湊熱鬧，看了 Season 1。當時覺得幾有趣，很大膽的一個故事題材。由第一集首播到電影版上畫已經有 10 年的光景，女主角們也由當年的初中女到現在的高中女，色，已不再，但慾，還在！
 
之前看過幾個影評，評價都不太好，大致是說手法保守，故事沒新意之類。可能大家對一切都很熟悉了，但像我這類只看過小部份甚至沒看過的人來說又是另一回事。
 
如果把它當成一部單完來看，這是一部對白低死，劇情感人，節奏明快，華衣美服的電影，只是主角不太漂亮而已。
 
影片膠捲影片膠捲影片膠捲影片膠捲